•  test
•   10 Korrik, 2018

ILO (Organizata Botërore e Punës)
ILO është organizatë e specializuar e Kombeve të Bashkuara, e themeluar në vitin 1919 për të promovuar drejtësinë sociale dhe të drejtat e punëtorëve. ILO formulon standartet ndërkombëtare në formën e konventave dhe rekomandimeve që duhet të ratifikohen nga shtetet anëtare.

Kuvendi i Republikës së Shqipërisë me Ligjin nr. 9442, datë 16.11.2005 ratifikoi Konventën 102 të Organizatës Botërore të Punës (ILO) mbi “Sigurimet Shoqërore”, (Standartet minimale). Ky ligj hyri në fuqi në Shqipëri në 1 Janar 2006.

Instituti i Sigurimeve Shoqërore raporton në mënyrë periodike për zbatimin dhe arritjet e standarteve në kuadër të Konventës 102. ILO, si donator, ka mundësuar për ISSH-në, realizimin e projekteve në asistencën dhe modernizimin e skemës të sigurimeve shoqërore.

KOMISIONI EUROPIAN
Instituti i Sigurimeve Shoqërore, si të gjitha institucionet shqiptare, përmbush detyrimet që lindin në procesin e integrimit të Shqipërisë në Bashkimin Evropian.

Raportimi periodik në Komisionin Evropian, në kuadër të Marrëveshjes të Stabilizim-Asociimit dhe “Zbatimit të Planit Kombëtar të Marrëveshjes së Stabilizim-Asocimit”, për realizimin dhe arritjen e objektivave të përcaktuara, është një nga detyrat e realizuara në vazhdimësi nga ISSH. Marrëveshja e Stabilizim Asociimit (MSA) hyri në fuqi me 1 prill 2009. Në Raportimet periodike është theksuar se fokusi kryesor i Qeverisë Shqiptare në fushën e sigurimeve shoqërore është realizimi i reformës parametrike dhe sistemike për arritjen e standarteve të Bashkimit Evropian në përputhje me Nenin 99, të Marrëveshjes së Stabilizim-Asociimit, dhe neni 48, të MSA-së, mbi koordinimin e sistemeve të mbrojtjes shoqërore për shtetasit komunitarë, punonjës në territorin shqiptar dhe për shtetasit shqiptarë, punonjës në vendet e Bashkimit Evropian.

Gjatë këtyre viteve, ISSH, ka aplikuar me disa projekte për përballimin e sfidave të integrimit të skemës të sigurimeve shoqërore në skemat Evropiane, në kuadër të Programit “Instrumenti për Asistencën e Paraaderimit (IPA)” të Komisionit Evropian. Ky Instrument asiston dhe jep donacione për zhvillimin dhe modernizimin e vendeve që janë në procesin e integrimit në BE.

Në Instrumentin TAIEX (Asistenca Teknike dhe Shkëmbimi i Informacionit), që menaxhohet nga Drejtoria e Zgjerimit të Përgjithshëm të Komisionit Evropian dhe mbështet vendet partnere në lidhje me aplikimin, përafrimin dhe zbatimin e legjislacionit të BE, ISSH ka aplikuar në vazhdimësi.  Në këto vite është aplikuar me projekte për asistencë dhe ekspertizë në fushat e përafrimit të legjislacionit të fushës, reformës parametrike të skemës së detyrueshme të sigurimeve shoqërore, menaxhimit efikas të përfitimeve në skemën e detyrueshme të sigurimeve shoqërore, administrimit dhe menaxhimit të sistemit on-line të informacionit, si pjesë e Sistemit EESSI (shkëmbimi elektronik i informacionit të sigurimeve shoqërore në BE), të ardhmes të skemës të vetëpunësuarve në bujqësi, etj.

•  test
•   10 Korrik, 2018

BANKA BOTËRORE
ISSH ka aplikuar dhe ka fituar 2 projekte me donator Bankën Botërore. Projekti i parë ka si qëllim “Ndërtimin e Arkivës së centralizuar të Sistemit të Sigurimeve Shoqërore”. Vendimi i Qeverisë Shqiptare nr. 723, datë 30.10.2007, “Për ndryshimin e përgjegjësisë të administrimit të dy ndërtesave të agjensisë Lundër, nga Drejtoria e Rezervave të Shtetit në varësi të Ministrisë së Brendshme, te Instituti i Sigurimeve Shoqërore në varësi të Ministrisë të Financave”, realizoi mundësinë  e ndërtesës, ku do të ngrihet arkiva e centralizuar të ISSH. Në vazhdim është realizuar dhe projekti shtesë nga Banka Boterore për krijimin e arkivës digitale.

Projekti i dytë, i cili është në përfundim me donator BB është për “Modernizimin e Sistemit të Sigurimeve Shoqërore” me komponent: Reforma Administrative dhe ngritja e sistemit modern të IT të sigurimeve shoqërore.

Instrumentat ligjorë ndërkombëtarë në fushën e sigurimeve shoqërore, prioritet i implementimit në kuadër të strategjisë afatgjatë:

-Deklarata Universale e të Drejtave të Njeriut (Asambleja e Përgjithshme e Kombeve të Bashkuara, 10 Dhjetor 1948);
-Konventa për Mbrojtjen e të Drejtave të Njeriut dhe Lirive Themelore (4 Nëntor 1950, Romë);
-Konventa mbi Statusin e Refugjatëve (28 Korrik 1951, Gjenevë);
-Konventa e OKB-së për Mbrojtjen e të Drejtave të Punëtorëve Migrantë (1 Korrik 2003);
-Marrëveshjet e Përkohshme Europiane (Interim Agreement), 11 Dhjetor 1953, Paris;
-Konventa mbi Statusin e Personave pa shtetësi (28 Shtator 1954, UN, KE);
-Karta Sociale Europiane, neni 12, pika 4 a) b) (18 Tetor 1961, Torino);
-Kodi Europian i Mbrojtjes Sociale, neni 73 (16 Prill 1964);
-Konventa e ILO-s, nr.102, “Për standardet minimale të mbrojtjes shoqërore”;
-Rregullorja e Mbrojtjen Sociale 883/2004, qe ka zevendesuar Regulloren 1408/71 dhe Rregulloren e BE 574/72 (14 Dhjetor 1972, Strasburg);
-Statusi Ligjor i Punëtorëve Migrantë (24 Nëntor 1977).